नया है यह...

तोच सूर्य, तोच चंद्र

तीच पृथ्वी, तोच देश

तेच राज्य, तेच शहर

तेच तुम्ही, तीच मी

तीच हवा, तेच पाणी

तीच जागा, तीच गाणी

काही जुने, काही नवे

आपुल्या साऱ्यांसवे

नवे वर्ष, नवा श्वास

नवा हर्ष, नवा ध्यास

नव्या आकांक्षांचे किरण

नव्या उर्जेनं भरलेलं मन

नवी अनुभती, नवे क्षण

सकारात्मकतेचा कण कण,

नवनवी तंत्रज्ञानाची भाषा

पुन्हा पुन्हा शांतीची आशा

`सोळावं` पाऊल जपून

संवेदनेची ज्योत लावून

`नव्या`चे स्वागत करू या

पटदिशी `आमेन` म्हणू या

मी, तू, आपण, सर्वांसह...

भाई... नया है यह...

फोटो- राधिका कुंटे.