मुखवटा

मुखवटा... चेहऱ्यावरचा... चेहऱ्यामागचा... मुखवटा...

मुखवटा... लोकांसमोरचा... स्वतःपुरता... मुखवटा...

मुखवटा... काळा-पांढरा... रंगीबेरंगी... मुखवटा...

मुखवटा... मोजून-मापून आखलेला... मुखवटा...

मुखवटा... अघळपघळ विस्तारलेला... मुखवटा...

मुखवटा... घरचा-दारचा... जनांचा-महाजनांचा... मुखवटा...

मुखवटा... ओथंबल्या भावनांचा... दगडी कोरडेठाकपणाचा... मुखवटा...

मुखवटा... भूतकाळानं वर्तमनापुढं धरलेला भविष्याचा आरसा... मुखवटा...

मुखवटा... चहाच्या कपात घोंघागवणारं वादळ... मुखवटा...

मुखवटा... एका बातमीची नि बातमीमागची गोष्ट... मुखवटा...

मुखवटा... वर्तमानपत्रीय आयुष्याच्या कोलाजचा तुकडा... मुखवटा...

मुखवटा... वास्तव-फॅण्टसीचा रंगीत कॅलिडोस्कोप... मुखवटा...

मुखवटा... परिस्थितीच्या ताण्याबाण्यांचं हेडिंग-सबहेडिंग... मुखवटा...

मुखवटा... बऱ्याचदा परिस्थितीची अवघड कोंडी... मुखवटा...

मुखवटा... बहुतांशी तत्त्वनिष्ठा नि वास्तवाचा झगडा... मुखवटा...

मुखवटा... अनेकदा गैरसमजांचा गुंताडा... मुखवटा...

मुखवटा... सत्य-असत्याच्या दुनियेतली पोकळी... मुखवटा...

मुखवटा... संक्रमण काळातली उमलती पाकळी... मुखवटा...

मुखवटा... श्रीमंतीची जरब... मध्यमवर्गीय कुचंबलेपण... मुखवटा...

मुखवटा... इतरांच्या अस्तित्वाचं प्रयोजन... मुखवटा...

मुखवटा... खऱ्या प्रेमभावाचा संघर्ष... मुखवटा...

मुखवटा... आयुष्यभर मूल्य-तत्वांची सांगड... मुखवटा...

मुखवटा... खऱ्या-खोट्याचा जबरी झगडा... मुखवटा...

मुखवटा... श्रद्धा-अंधश्रद्धांचा जबरदस्त पगडा... मुखवटा...

मुखवटा... संवादी अभियनाची मैफल... मुखवटा...

मुखवटा... नाटकी-सटकी... गदारोळ-गहजब... मुखवटा...

मुखवटा... आनंदाचा धबधबा... दुःखाचा कडेलोट... मुखवटा...

मुखवटा... उत्साहाच्या उकळ्या... मत्सराच्या ज्वाळा... मुखवटा...

मुखवटा... मदतीचा उकाडा... मोहाचा सापळा... मुखवटा...

मुखवटा... नजाकती अदांचा... थापलेल्या रंगांचा... मुखवटा...

मुखवटा... सोवळा-ओवळा... देशी-विदेशी चेहऱ्यांचा... मुखवटा...

मुखवटा... छापील-इलेक्ट्रॉनिक तोंडावळ्याचा... मुखवटा...

मुखवटा... गग्गोड भाषेचा... मिंग्लिशच्या कडबोळ्यांचा... मुखवटा...

मुखवटा... `लेखी-बोली-ऐकिवा`चा... `इमोजी टच`चा... मुखवटा...

मुखवटा... स्मार्टी लाईफस्टाईल... टेक्नॉलॉजिकल स्माईल... मुखवटा...

मुखवटा... एका आवर्तनाची पूर्तता... `खेड्यांकडं परता`च्या हाका... मुखवटा...

मुखवटा... पुन्हा व्हावा `निसर्गसखा`... पुन्हा `सकार` साकारावा... मुखवटा...

मुखवटा... तुमचा-आमचा-यांचा... माझा-तुझा-सगळ्यांचा... मुखवटा...

मुखवटा... मुखवटा... मुखवटा... मुखवटा... मुखवटा... मुखवटा...

छायाचित्र- इंटरनेटवरून साभार.