ऊन

 सध्या नकोशा वाटणाऱ्या उन्हाची हजेरी इथं बघून जीवाची काहिली झाली की काय तुमच्या ? तरी बरं की, गेल्या वर्षी याच ब्लॉगच्या माध्यमातून `देखण्या उन्हाळ्या`बद्दल लिहिलं होतं. त्यामुळं गेल्या वर्षीचा उन्हाळा सुसह्य झाला असावा, काहींसाठी... तो लेख वाचला नसल्यास ही लिंक- http://shbdaphulanchi.blogspot.in/2015/03/blog-post_29.html

खरंतर निसर्गाची किमयाच अशी आहे, की त्यावर लिहिल्या-बोलल्याशिवाय, आपल्याला राहवत नाही. मग तो ऋतूबदल असला तरीही त्या ऋतूला जीवनाशी रिलेट करणं ओघानं होतंच. तसंही आपल्याला थंडी-पावसापेक्षा उन्हाळ्याची सोबत अधिक महिने असते. उन्हाशी अनेकदा होतात गप्पागोष्टी.. आपसूकच शब्दांना चढतो साज, येते त्यांना केशरी-सोनेरी झिलाई, बसून कोवळ्या उन्हाच्या कुशीत, उन्हाचं गाणं गायलं जातं...     

 ऊन

 ऊन ऊन

ऊन ऊन...

तू तिथं मी

मी तिथं तू

ऊन ऊन

ऊन ऊन...

कोवळं ऊन

चैतन्याची खूण

ऊन ऊन

ऊन ऊन...

रणरणतं ऊन

वास्तवाची चूल

ऊन ऊन

ऊन ऊन...

कलतं ऊन

जखमा भरून

ऊन ऊन

ऊन ऊन...

मावळतीचं ऊन

कायम स्वमग्न

ऊन ऊन

ऊन ऊन...

काळोखी गर्भ

प्रकाशाचं बीज

ऊन ऊन

ऊन ऊन...

पुन्हा उजाडलं

चक्र गरगरलं

ऊन ऊन

ऊन ऊन...

छायाचित्रे – राधिका कुंटे.