पाऊस पाऊस पाऊस पाऊस

पावसाआधी होता पाऊस... पावसानंतर होता पाऊस...

पावसासंगे होता पाऊस... पावसाविरुद्ध होता पाऊस...

पाऊस पाऊस पाऊस पाऊस...

पावसाचा मित्र पाऊस... पावसाचा शत्रू पाऊस...

पावसाचा गोतावळा पाऊस... पावसाचा परका पाऊस...

पाऊस पाऊस पाऊस पाऊस...

पाऊस सरसर... पाऊस झरझर...

पाऊस गडगडाट... पाऊस कडकडाट...

पाऊस पाऊस पाऊस पाऊस...

पावसाळी विजा चमकणं... पावसाळी कल्पना सुचणं...

पाऊस हिरवागार... पाऊस पाणीदार...

पाऊस पाऊस पाऊस पाऊस...

पाऊस टपटपणारा... पाऊस कोसळणारा...

पाऊस ओलागच्च... पाऊस सच्चा मित्र...

पाऊस पाऊस पाऊस पाऊस...

एक पाऊस वळणदार... एक पाऊस समुद्रापार...

एक पाऊस लहरी... एक पाऊस भिरभिरी...

पाऊस पाऊस पाऊस पाऊस...

एक पावसाळी नाव... एक आठवणींचा गाव...

एक फुल उमलणारं... एक नातं फुलणारं...

पाऊस पाऊस पाऊस पाऊस...

एक पाऊस कटिंग चाय... एक पाऊस विचारांची साय...

एक पाऊस तरणा, एक पाऊस म्हातारा...

पाऊस पाऊस पाऊस पाऊस...

एक पाऊस पावसाळी... एक पाऊस अकाली...

एक पाऊस अंकुरता कोंब... एक पाऊस पिकलं झाड

पाऊस पाऊस पाऊस पाऊस...

एका पावसाचं महाभारत... एका थेंबाची कविता...

एका सरीचं गाणं... एका सरव्याचा पोवाडा...

पाऊस पाऊस पाऊस पाऊस...

एक पाऊस पाऊस... दोन पाऊस पाऊस

एक पाऊस पाऊस... पाऊस दाहे पाऊस...

पाऊस पाऊस पाऊस पाऊस...

पाऊस पाऊस पाऊस पाऊस... 

(छायाचित्रं – इंटरनेटवरून साभार.)

एखादं नातं...

 एखादं नातं... होतं सावली घनदाट

एखादं नातं... पायांत घुटमळत राहातं

एखादं नातं... फरफटत पुढं येतं

एखादं नातं... एकदम तटस्थ राहातं

एखादं नातं... उत्स्फूर्तपणं उत्साहात बहरतं

एखादं नातं... होऊन जातं एकदम शिळंपाकं

एखादं नातं... राहातं उत्फुल्ल ताजंतवानं

एखादं नातं... रुतत जातं चिखलगाळागत

एखादं नातं... भासतं रेशमी जरीकाठी

एखादं नातं... वाटतं साधसं उबदार

एखादं नातं... असतं अबोल पण कृतीप्रवण

एखादं नातं... असतं बोडकं आणि कृतीशून्य

एखादं नातं... कधी कलंकित कधी शब्दांकित

एखादं नातं... कधी लाचार कधी मनस्वी

एखादं नातं... मती कुंठित करणारं

एखादं नातं... राहातं कमळासारखं निर्लेप

एखादं नातं... असतं भोगी किंवा वैरागी

एखादं नातं... सोसवेना भार मायेचा

एखादं नातं... सुटकेचा हुश्श निःश्वास

एखादं नातं... मुरांब्यासारखं आंबट-गोड

एखादं नातं... कारल्यासारखं कडवट

एखादं नातं... गरजवंत, अक्कलवंत

एखादं नातं... ओवाळण्यापुरतं, स्थिरावण्यापुरतं

एखादं नातं... कायम हाकेला ओ देणारं

एखादं नातं... तात्पुरतं, औटघटकेचं

एखादं नातं... कधी रक्ताचं, कधी बिनरक्ताचं

एखादं नातं... कधी मैत्रीचं, कधी व्देषाचं

एखादं नातं... `Feeling` मिरवण्यापुरतं

एखादं नातं... `Feeling` अतूट बंधांचं

एखादं नातं... एखादं भयंकर स्वार्थी

एखादं नातं... एखाद्याची कायम अर्थाअर्थी

एखादं नातं... जीव ओवाळून टाकावा असं

एखादं नातं... जीव नकोसा व्हावा तसं

एखादं नातं... फिनिक्स भरारी घेणारं

एखादं नातं... मातीमोल ठरणारं

एखादं नातं... करतं नात्यांच्या सीमापार

एखादं नातं... अनामिकतेचा असे अपार

एखादं नातं... नात्यांची वीण सोडवणारं

एखादं नातं... नात्यांच्या लडी गुंफणारं

नाती म्हणजे... जगण्याची उर्जा लई भारी

नाती म्हणजे... `Feeling` कायमच नातेसमृद्ध...

एखादं नातं... एखादं नातं...

एखादं नातं... एखादं नातं...

** ताजा कलम **

 एखाद्या नात्याच्या शब्दरंगाचे एखाद्या नात्याच्या शब्दरंगाशी साम्य आढळल्यास तो निव्वळ योगायोग समजावा...

`Feeling` एखादं नातं...

  

छायाचित्रं इंटरनेटवरून साभार.